As buscas no BOPPO permiten localizar os anuncios que cumpran uns determinados criterios. Para acoutar o número de resultados o portal ofrece a posibilidade de utilizar dúas modalidades:

Busca simple

Permite localizar os anuncios que conteñan o texto introducido na caixa de busca.

Busca avanzada

Ademais de por texto introducido na caixa de busca tamén permite restrinxir a consulta por outros criterios como a entidade publicadora, o tipo de anuncio, o número de boletín ou a data de publicación (para estes dous últimos é posible establecer unha marxe tan ampla ou limitada como se desexe).

Para os boletíns publicados antes do 12 de decembro de 2014 o portal mostra a lista dos que cumpren os criterios de busca indicados, e pódense consultar ou descargar os arquivos PDF correspondentes.

No caso dos boletíns publicados despois desa data a aplicación devolverá aqueles anuncios que cumpren cos criterios de busca introducidos, e está dispoñible a consulta en formato HMTL ou a consulta e a descarga como arquivo PDF.